Sentindo contos en 3 anos

Boas familia!!!

Rematamos coa alegría e damos paso á tristeza. 

Popeta deixounos unha carta do Monstro de Cores para que lle axudemos a entender porque sempre se pon azul no Nadal. 

A carta levounos ao mapa, o mapa levounos a ver a Rogelio no Ipad e Rogelio deunos instrucións para que buscásemos a caixa máxica na que había agochados obxectos que lle axudarían ao Monstro de Cores a saber porque está de cor azul. 

O primeiro que despois de ler a carta de Popeta, sospeitou o motivo do cambio de cor do monstro foi Lois e por suposto puxémoslle as gafas de investigador. 

Esta é a mensaxe que nos deixou Rogelio:

Isto é o que se agochaba na caixa. Os nenos e nenas decidiron que querían ler un conto e escolleron o dos Tres osos. Ao rematar investigamos se ese conto tería relación con algún dos obxectos presentes na caixa e Nerea e Elva non tardaron en decatarse de que si. Había unha serie de obxectos agrupados por tamaños: grande, mediano e pequeno, ao igual que os osos. Que ben o fixeron!!

Xa empezamos a recibir as primeiras cartulinas que plasman a tristeza dos nenos e nenas. Iria comentábanos que a ela o que a pon triste é que os seus amigos lle rompan os xoguetes, Elva di que a Chuvia a pon triste e Manu amósanos como sería unha cara triste. 

Ollade as caras de todos, están moi tristes non si?