A Xoaniña rosmona

O pasado día 30 de xaneiro celebramos o Día Escolar da non Violencia e a Paz, con este motivo, dende a biblioteca convidáronnos a participar nos contacontos da semana da paz. As compañeiras e compañeiros de 5º contáronnos o conto "O carameliño sen cor e sen sabor" e os de 6º "A historia do touro Ferdinando" e gustáronnos moito. Pero nós tiñamos unha grande responsabilidade entre mans, tiñamos que contarlles tamén a eles un conto!!! Que nervios!!! Os máis pequenos contándolle ós maiores. Con moita ilusión puxémonos mans á obra e preparamos o conto "A xoaniña rosmona" e a verdade é que disfrutamos moito con esta actividade. Deixámosvos aquí o resultado final, esperamos que vos guste.