FRESAS CON CHOCOLATE EN 3 ANOS

EXCURSIÓN DA CLASE DE TRES ANOS

 



 

      

Viaxe fin de curso en 4 anos

   Bueno, isto está chegando ao seu fin e proba disto é a excursión de fin de curso.

A pesar de que o tempo non nos acompañou pasámolo moi ben e aprendemos moito. 

   Quedounos por ver o castro de Borneiro así que o deixo nas vosas mans, un día aproveitades e ides a visitalo porque merece a pena. 

Espero que vos guste o vídeo e para o ano mais e mellor!!!!

 

 

BOAS FAMILIAS.
Pido perdón pola tardanza, pero o meu ordenador estropeuse e ata este momento non puiden publicar nada.

DÍA DO LIBRO EN 3 ANOS - Movie Maker

Día da familia en 4 anos

     Despois do gran día que pasamos onte non me queda mais que darvos as grazas, unha e mil veces, por todo o tempo que invertides coas actividades da escola. Que gusto traballar así!!!

    Foi un día fantástico, moi canso, pero moi divertido que é o que realmente importa.

    Aquí vos deixo o vídeo coas imaxes de toda a diversión!!!

Mil grazas de novo!!!

Tamén vos deixo o vídeo da explicación que  deron os cativos sobre o telar que trouxeron á escola. Este telar foi obra das nais de María, Álvaro e Carlos. Que artistazas!!!!

Día das Letras Galegas

    No Pichel, quixemos festexar este gran día para a nosa comunidade, cunha actividade entrañable á vez que enriquecedora. O señor Pazos de Merexo, de 86 anos, veu para deleitarnos cun concerto de acordeón no que interpretou cantigas populares. 

Pazos é un home  moi coñecido e respectado tanto na nosa comunidade, onde o puidemos ver en diferentes actos ou na TVG, coma no País Vasco onde colaborou no disco do recoñecido artista Kepa Junkera. 

Pazos de Merexo, non viña só, ao seu carón traía a un rapazolo que tocaba o acordeón coma el é que resultou ser o seu neto.

Qué actividade tan fermosa para festexar o día das nosas letras  e para valorar a importancia dos nosos maiores e a tradición cultural!!!

Cando este gran artista rematou, os gañadores do concurso de poesía "Se eu fose un río" léronnos os seus poemas.

Aquí vos deixo o vídeo, dun anaquiño da súa actuación, para que desfrutedes tanto coma nós. 

A prehistoria en 4 anos

Neste proxecto da prehistoria, non podiamos pasar por alto a arte. A través da arte descubrimos non só como eran as formas de vida daquel entón, tamén como era a  sociedade, a cultura, a alimentación, os descubrimentos... xa que nos seus debuxos plasmaban como era a  súa realidade.

Este é un aspecto que apaixona aos cativos, e por este motivo decidimos afrontalo como verdadeiros artistas. Deixamos de lado algúns instrumentos típicos de escola e compramos materiais que usan os pintores profesionais. Entre estes materiais, que vos aconsellaría que probásedes cos vosos peques, destacamos:

•   Papel de esbozo

•   Lápices acuarelables

•   Lápices pastel

•   Carboncillo
.   Pinceis de pelo de marta

•   Difuminadores

Empezamos pola etapa de investigación:

1.  Buscar en internet o que aparece na obra, neste caso un bisonte. Tecleamos a palabra bisonte.

2. En imaxes buscamos o debuxo desexado

3.Accedemos a páxina que nos enlaza o debuxo e intentamos (coa miña axuda) descifrar de que se trata, que representa, onde se atopa e a que etapa da prehistoria pertenece.

4. Nunha ficha ubicámola no mapa de España.

5.Cubrimos  a ficha de información.

6.Coloreamos a etapa prehistórica á que pertenece.

Feito todo isto facemos a nosa propia obra de arte a partires da orixinal que está fotocopiada no papel de esbozo. 

Despois deste primeiro intento continuamos coa obra "Arqueiros", do Neolítico, tal e como indica o uso de arcos. Esta obra está en Castellón e fixémola con subraiadores e lápices pastel difuminados cos dedos ou con difuminadores profesionais.

 Este foi o resultado

Espero que vos gustase o traballo dos vosos peques, a verdade é que quedaron para enmarcar.